Анкалагічнае хіміятэрапеўтычнае аддзяленне

Загадчык анкалагічным (хіміятэрапеўтычным
аддзяленнем)

Сяргеева Вольга
Пятроўна

Старшая медыцынская
сястра

Ставер Ганна
Уладзіміраўна

 

 Час працы: з 8.30 да 16.12 (пн., аўт., сер., чт., пт.)

  Тэлефон загадчыка:  +375 (17) 389-95-31

  Тэлефон ардынатарскай:  +375 (17) 265-37-81

 

Група хіміятэрапіі

Лячэбная дзейнасць

1. Урачамі аддзялення ажыццяўляецца клінічнае абследаванне пацыентаў з выкарыстаннем усіх сучасных дыягнастычных магчымасцяў Цэнтра: як для ўстанаўлення дыягназу, распаўсюджанасці пухліннага працэсу, так і для наступнай ацэнкі эфекту ад хіміятэрапіі.
2. Супрацоўнікі аддзялення ажыццяўляюць лячэбную і кансультацыйную дзейнасць у адпаведнасці з дзеючымі нацыянальнымі пратаколамі лячэння злаякасных наваўтварэнняў, а таксама рэкамендацыямі Еўрапейскага таварыства медыцынскіх анколагаў (ESMO), Амерыканскага таварыства клінічнай анкалогіі (ASCO), Расійскага таварыства клінічнай анкалогіі (RUSSCO).
3. Урачы валодаюць рознымі спосабамі ўвядзення хіміяпрэпаратаў: унутрывенна - струменева, капежна, у выглядзе сутачных бесперапынных інфузій да 120 гадзін з дапамогай дазатараў лекавых рэчываў, праз спецыяльныя порт-сістэмы; унутрымышачна; інтратэкальна; у плеўральную і брушную паражніну; унутр.
4. У выпадку развіцця сімптомаў, звязаных з проціпухлінным лячэннем, праводзіцца адпаведная тэрапія, што дазваляе захоўваць высокую якасць жыцця на фоне лячэння.
5. Пры правядзенні хіміятэрапіі выкарыстоўваюцца сучасныя прынцыпы падтрымліваючага лячэння.
6. Пры неабходнасці прымяняецца тэрапія, накіраваная на мінімізацыю сімптомаў, звязаных з увядзеннем хіміяпрэпаратаў (дыярэя, стаматыт, інфекцыі і г.д.)
7. У аддзяленні выкарыстоўваюцца сучасныя цытастатыкі, гарманальныя прэпараты, цытакіны і прэпараты таргетнай тэрапіі.
8. Для лячэння хворых з метастазамі ў касцях выкарыстоўваюцца бісфасфанаты.

У анкалагічным хіміятэрыпеўтычным аддзяленні лячэнне праводзіцца з прымяненнем сучасных рэжымаў проціпухліннай лекавай тэрапіі пры ўсіх відах і лакалізацыях злаякасных новаўтварэнняў.

Аддзяленне шчыльна супрацоўнічае з анкалагічным (хіміятэрапеўтычным) аддзяленнем дзённага знаходжання, урачы аддзялення ажыццяўляюць кансультацыйны прыём у паліклінічным аддзяленні Цэнтра.