Лабараторыя таракальнай анкапаталогіі

Хірургі РНПЦ АМР імя М.М. Аляксандрава выкарыстоўваюць увесь патэнцыял айчыннай і сусветнай анкалагічнай навукі і практыкі.

Мы выконваем хірургічныя ўмяшанні па ўсіх лакалізацыях з выкарыстаннем мініінвазіўных доступаў (лапараскапія, таракаскапія), выконваем арганазахавальныя, камбінаваныя, сімультанныя, пластычныя і аднаўленчыя аперацыі.

Дзякуючы распрацоўцы і ўкараненню сімультанных аперацый у пацыентаў з канкуруючымі захворваннямі (пухліна і сардэчна-сасудзістая паталогія), якіх раней не лячылі, з'явіўся шанц на выздараўленне ад двух захворванняў.

На працягу аднаго наркозу выконваюцца дзве аперацыі, адна – па выдаленні пухліны, другая – па карэкцыі сардэчна-сасудзістай паталогіі.

Пры дысемініраванай паразе плеўры праводзім камбінаванае лячэнне з выкарыстаннем тэрмахіміятэрапіі.

Ва ўмовах штучнага кровазвароту выконваем аперацыі пры першасных і другасных пухлінах сэрца. Пры нізкіх функцыянальных паказаннях выконваем аўтатрансплантацыю лёгкіх.